لاہور (پاک صحافت) حمزہ شہباز کا کہنا ہے کہ صوبے سے ڈینگی کے مکمل خاتمے کے لئے انسداد ڈینگی مہم میں موجود خامیوں کو فوری طور پر دور کیا جائے۔
تفصیلات کے مطابق وزیراعلی پنجاب حمزہ شہباز کی زیرصدارت انسداد ڈینگی مہم سے متعلق اہم اجلاس ہوا۔ اجلاس میں حمزہ شہباز نے انسدادِ ڈینگی مہم کے حوالے سے متعلقہ محکموں کی کارکردگی کا جائزہ لیا، اس دوران ڈینگی کنٹرول مہم کی مانیٹرنگ کے لیے یوسی سطح پر کمیٹیاں بنانے کی ہدایت جاری کی گئی۔
وزیراعلی پنجاب حمزہ شہباز نے پنجاب کے ہر ضلع میں ہیلتھ افسران کو بھی مہم کی مانیٹرنگ کے لیے فیلڈ وزٹ کرنے کا حکم دیا۔ وزیراعلی کی جانب سے ڈی سیز، ضلعی ہیلتھ افسران اور متعلقہ حکام کی مانیٹرنگ کا بھی حکم دیا گیا۔ انہوں نے ہدایات جاری کرتے ہوئے کہا کہ انسدادِ ڈینگی کے لیے فیلڈ سرگرمیوں کا تمام ڈیٹا اپ ڈیٹ اور مستند ہونا چاہیے۔
Short Link
Copied