paksahafat پاک صحافت
Related Articles
لاہور (پاک صحافت) وزیراعلی پنجاب مریم نواز نے تمام سرکاری محکموں کو انٹرن شپ شروع کرنے کا حکم دے دیا ہے۔
تفصیلات کے مطابق صوبائی کابینہ کے بارہویں اجلاس میں 3 ماہ کے انٹرن شپ پروگرام کے تحت 2 ہزار طلبہ کو ماہانہ 25 ہزار روپے دینے کا فیصلہ کیا گیا ہے۔ اجلاس میں طلبہ سے ای بائیک پروجیکٹ کے ابتدائی چارجز نہ لینے جبکہ ای بائیک اسکیم میں مزید 10 ہزار الیکٹرک بائیک شامل کرنے کی بھی منظوری دی گئی ہے۔
ذرائع کے مطابق صوبائی کابینہ کی محمود بوٹی اور شادباغ میں ویسٹ واٹر ٹریٹمنٹ پلانٹ کی بھی منظوری دی گئی۔ وزیراعلی پنجاب مریم نواز نے ہمت کارڈ کے لیے اسپیشل افراد کی تصدیق ان کی دہلیز پر جا کر کرنے کی ہدایت کی ہے۔
انہوں نے معروف گلوکارہ تصور خانم کی طرف سے رہائش کی درخواست کی بھی منظوری دی اور کہا کہ فنکار اپنے خاندان کا ہی نہیں بلکہ قوم کا ایک فرد ہوتا ہے۔
