لاہور (پاک صحافت) وزیراعلی پنجاب مریم نواز نے ویکسینیشن مہم کے دوران انسداد پولیو ٹیموں کا تحفظ یقینی بنانے کا حکم دے دیا۔
تفصیلات کے مطابق جاری بیان میں وزیراعلی پنجاب نے پولیس اور انتظامیہ کو انسداد پولیو ٹیم کی سیکیورٹی کے لیے فول پروف انتظامات کی ہدایت کی۔ انسداد پولیوٹیمز کا تحفظ یقینی بنانا حکومت کی ذمہ داری ہے، پنجاب کو پولیو فری بنانا ہمارا عزم ہے۔
مریم نواز نے مزید کہا کہ ریلوے اسٹیشنز اور بس اڈوں پر بھی مسافر بچوں کی ویکسینیشن کی جائے۔ وزیراعلی پنجاب نے عوام سے اپیل کی کہ وہ پولیو ورکرز سے بھرپور تعاون کریں کیونکہ بچوں کو عمر بھر کی معذوری سے بچانے کے لیے انسداد پولیو مہم ضروری ہے۔
Short Link
Copied