اسلام آباد (پاک صحافت) مریم اورنگزیب کا کہنا ہے کہ وزیراعظم کے چارٹر آف اکانومی کے وژن سے تمام ادارے مضبوط ہوں گے۔
تفصیلات کے مطابق وفاقی وزیر اطلاعات و نشریات مریم اورنگزیب نے تقریب سے خطاب کرتے ہوئے کہا ہے کہ پاکستان یوتھ پروگرام میں نوجوانوں کو زیرو ٹیکس پر مراعات دی گئیں، پروگرام میں نوجوانوں کو ٹیکنالوجی سے آراستہ کرنے جیسے منصوبے شامل تھے۔
مریم اورنگزیب کا مزید کہنا تھا کہ چھوٹے کاروباروں میں نوجوانوں کو سہولتیں بھی فراہم کی گئیں، پچھلی حکومت نے اس پروگرام کا نام بدل کر کامیاب جوان پروگرام رکھ دیا۔ انہوں نے کہا کہ وزیراعظم کے چارٹر آف اکانومی کے وژن سے تمام ادارے مضبوط ہوں گے۔ مریم اورنگزیب نے یہ بھی کہا ہے کہ پاکستان کی 66 فیصد آبادی 30 سال سے کم عمر نوجوانوں پر مشتمل ہے۔