اسلام آباد (پاک صحافت) وزیراعظم شہباز شریف نے دہشت گردی کے عفریت کو ختم کرکے دم لینے کے عزم کا اظہار کردیا۔ انہوں نے یہ بھی کہا کہ ہم شہدا کو خراج عقیدت اور سلام پیش کرتے ہیں۔
وزیراعظم نے حسن خیل میں دہشت گردوں کے خلاف کامیاب آپریشن پر سیکیورٹی فورسز کو خراج تحسین پیش کیا۔ شہباز شریف نے شہید کیپٹن حسین جہانگیر اور حوالدار شفیق اللّٰہ کے درجات کی بلندی کےلیے دعا کی۔
انہوں نے کہا کہ سیکیورٹی فورسز کے جوانوں نے اپنی جان ہتھیلی پر رکھ کر دہشت گردوں کے خلاف کامیاب آپریشن کیا۔ وزیراعظم نے مزید کہا کہ پوری قوم کو اپنی بہادر افواج پر فخر ہے، دہشت گردی کے عفریت کو ختم کر کے دم لیں گے۔
Short Link
Copied