کراچی (پاک صحافت) وزیراعظم میاں محمد شہباز شریف ایک روزہ اہم دورے پر کراچی پہنچ گئے ہیں، وہ کراچی میں اہم ملاقاتیں اور اجلاس کی صدارت کریں گے۔
تفصیلات کے مطابق وزیراعظم شہبازشریف کو اسلام آباد سے لانے والی خصوصی پرواز نے جمعہ کی دوپہر 12:45 بجے پاکستان ایئرفورس کی فیصل ایئر بیس پر لینڈ کیا۔ وفاقی وزیر خزانہ مفتاح اسماعیل، وزیر آبی وسائل خورشید شاہ اور معاون خصوصی سید فہد حسین بھی وزیراعظم کے ہمراہ کراچی پہنچے ہیں۔
ذرائع کے مطابق وزیراعظم شہباز شریف کراچی شپ یارڈ کا دورہ کر رہے ہیں اور وہاں انجینئیرنگ ورکس کی افتتاحی تقریب میں بطور مہمان خصوصی شریک ہیں۔ جس کے بعد وہ وزیراعلی ہاؤس پہنچیں گے۔ ترکی کے وزیر دفاع خلوصی آقار وزیراعظم سے ملاقات کریں گے۔ وزیراعظم شہباز شریف کراچی میں امن و امان کی صورتحال پر اجلاس کریں گے۔ جبکہ وزیراعلی ہاوس میں کراچی کے تاجروں سے ملاقاتیں کریں گے۔ ملک کو درپیش معاشی مشکلات سے نمٹنے کے لیے ان کی تجاویز سنیں گے۔