اسلام آباد (پاک صحافت) وزیراعظم سے ایم کیو ایم کے وفد نے ایک اہم ملاقات ہے جس میں کراچی کے مسائل سے انہیں آگاہ کیا گیا۔
تفصیلات کے مطابق وزیراعظم شہباز شریف سے اسلام آباد میں متحدہ قومی موومنٹ (ایم کیو ایم) کے وفد نے ملاقات کی ہے۔ وفد میں خالد مقبول صدیقی اور امین الحق شامل تھے۔ ملاقات میں وفاقی وزیر سردار ایاز صادق بھی شریک ہوئے۔
اعلامیہ کے مطابق وفد نے وزیراعظم شہباز شریف کو سپریم کورٹ پریکٹس اینڈ پروسیجر بل کی منظوری پر مبارکباد دی۔ وفد نے وزیراعظم کو مردم شماری پر تحفظات اور کراچی کے مسائل سے آگاہ کیا۔
وزیراعظم آفس کے اعلامیہ کے مطابق وزیراعظم نے ایم کیو ایم کے تحفظات اور مسائل کے حل کے لیے فوری ہدایات جاری کیں۔
Short Link
Copied