اسلام آباد (پاک صحافت) وزیراعظم شہباز شریف سے آرمی چیف جنرل عاصم منیر کی ملاقات ہوئی ہے جس میں قومی سلامتی کا اجلاس بلانے کا فیصلہ کیا گیا۔
تفصیلات کے مطابق وزیراعظم شہباز شریف سے آرمی چیف جنرل عاصم منیر کی ملاقات ہوئی ہے، سپہ سالار نے ملک میں امن و امان کی صورتحال پر بریفنگ دی۔ وزیراعظم اور آرمی چیف کی ملاقات میں قومی سلامتی کمیٹی کا اجلاس طلب کرنے کا فیصلہ کیا گیا جو کل بلایا جائے گا۔
ذرائع کے مطابق اجلاس میں دہشتگردی کی حالیہ لہر کے سدباب پر غور ہوگا جب کہ عسکری حکام دہشت گردی اور افغان بارڈر کی صورتحال پر بریفنگ دیں گے، قومی سلامتی کمیٹی کے اجلاس میں نیشنل ایکشن پلان عملدرآمد پر بریفنگ دی جائے گی۔
Short Link
Copied