کراچی (پاک صحافت) بلاول بھٹو زرداری نے کہا ہے کہ والدہ نے بدلہ لینا نہیں سکھایا، اسی لیے کہتا ہوں کہ جمہوریت بہترین انتقام ہے۔
تفصیلات کے مطابق آکسفورڈ یونیورسٹی میں لیکچر دیتے ہوئے بلاول بھٹو نے کہا کہ عورتوں پر عائد پابندیوں کے باوجود بےنظیر بھٹو ملک کی وزیراعظم بنیں، انہوں نے پاکستان میں خواتین کے آگے آنے کیلئے راستہ کھولا، آج پنجاب کی وزیراعلی بھی ایک خاتون ہیں۔
چیئرمین پیپلز پارٹی بلاول بھٹو کا مزید کہنا تھا کہ بےنظیر بھٹو کی زندگی پاکستان کا مستقبل بہتر بنانے کیلئے صرف ہوئی۔ پاکستان کا مستقبل آئین کی بالادستی، آزاد عدلیہ اور صحافت سے وابستہ ہے۔ پاکستان کے عوام بہتر مستقبل کا مطالبہ کرنے کیلئے حق بجانب ہیں۔
آکسفورڈ یونیورسٹی کے صدر اسرار خان کی سوال جواب کی نشست میں گفتگو کرتے ہوئے بلاول بھٹو نے کہا کہ نیب ڈریکونین لا ہے ہم اس کے آج بھی مخالف ہیں۔