لندن (پاک صحافت) نواز شریف کا کہنا ہے کہ ن لیگ صرف معاشی اہداف کی جانب توجہ مرکوز رکھے۔
تفصیلات کے مطابق لندن میں مسلم لیگ (ن) کے اہم اجلاس میں پارٹی بیانیے اور منشور کے لئے کمیٹی قائم کرنے کا فیصلہ کرلیا گیا ہے۔ نواز شریف نے تمام سی ای سی ممبران سے تجاویز طلب کرلیں ہیں، 7 دن کے اندر اندر تحریری طور پر تجاویز نوازشریف کو دی جائیں گی۔
اس موقع پر انہوں نے کہا ہے کہ دیگر معاملات کے بجائے صرف معاشی اہداف کی جانب توجہ مرکوز رکھی جائے گی۔ قائد ن لیگ نے رہنماوں کو ہدایت کی کہ ادھر ادھر کے بجائے ن لیگ صرف معاشی اہداف کی جانب توجہ مرکوز رکھے۔ دوسری جانب پارٹی رہنماوں کے تحفظات کے پیش نظر نوازشریف تمام معاملات براہ راست خود دیکھیں گے۔
ذرائع کے مطابق اس موقع پر شہباز شریف نے کہا کہ نوازشریف، ن لیگ کی جانب سے وزیراعظم کے متفقہ امیدوار ہیں، نواز شریف کی سربراہی پر کسی بھی سینئر ممبر کو اعتراض نہیں ہوگا۔