لندن (پاک صحافت) شہباز شریف کا کہنا ہے کہ نیب ترامیم پر عدالتی فیصلہ افسوسناک ہے۔
تفصیلات کے مطابق سابق وزیراعظم اور مسلم لیگ (ن) کے صدر شہباز شریف نے لندن میں میڈیا سے گفتگو کرتے ہوئے کہا ہے کہ آج ہماری مشاورت ہوئی ہے، نیب ترامیم پر عدالتی فیصلہ افسوسناک ہے، جس کے ذریعے آمر کے نیب قانون کو بحال کیا گیا۔
شہباز شریف کا مزید کہنا تھا کہ چیئرمین تحریک انصاف نے کئی بار صدارتی آرڈیننس کے ذریعے نیب قانون تبدیل کیا تھا۔ صدارتی آرڈیننس سے نیب قانون میں تبدیلی پر کوئی نوٹس نہیں لیا گیا، انہوں نے صدارتی آرڈیننس کے ذریعے حواریوں کو ریلیف دیا، پوچھتا ہوں صدارتی آرڈیننس کے وقت جسٹس عمر عطا بندیال کہاں تھے؟
انہوں نے کہا کہ نوازشریف 21 اکتوبر کو پاکستان تشریف لارہے ہیں، انہوں نے اپنے مقدمات میں نیب ترامیم کا سہارا نہیں لیا تھا۔ تیل کی قیمتیں عالمی منڈی میں بہت زیادہ بڑھ گئیں، روپے کی قدر اب بہتر ہوئی ہے ورنہ پیٹرول کی قیمت زیادہ بڑھتی۔