چکوال (پاک صحافت) شاہد خاقان عباسی کا کہنا ہے کہ نگراں وزیراعظم کیلئے پارٹی جو فیصلہ کرے گی قبول ہوگا۔
تفصیلات کے مطابق سابق وزیراعظم اور مسلم لیگ ن کے رہنما شاہد خاقان عباسی نے میڈیا سے گفتگو کرتے ہوئے کہا ہے کہ پارٹی میں کوئی عہدہ ہے نہ وزیر ہوں، جو ذمہ داری ملے گی ادا کروں گا۔ نگراں وزیراعظم کا فیصلہ وزیراعظم اور اپوزیشن لیڈر کی مشاورت سے ہوگا۔
شاہد خاقان عباسی کا مزید کہنا تھا کہ اسمبلی تحلیل ہونے کے بعد 90 دن میں الیکشن ہوں گے۔ نئی یا پرانی مردم شماری کے تحت انتخابات الیکشن کمیشن کی ذمہ داری ہے۔
خیال رہے کہ میڈیا رپورٹس کے مطابق مسلم لیگ ن شاہد خاقان عباسی کو نگران وزیراعظم بنانا چاہتی ہے تاہم اس حوالے سے کوئی حتمی فیصلہ نہیں ہوا ہے۔
Short Link
Copied