اسلام آباد (پاک صحافت) وفاقی وزیر منصوبہ بندی احسن اقبال نے کہا ہے کہ نوازشریف حکومت کا تسلسل برقرار رہتا تو ہم ملائیشیا سے آگے نکل جاتے۔
تفصیلات کے مطابق وفاقی وزیر منصوبہ بندی احسن اقبال نے تقریب سےخطاب کرتے ہوئے کہا ہے کہ پی ٹی آئی نے ملکی معیشت کو نقصان پہنچایا، ہم نے اپنی سیاست قربان کرکے ریاست بچائی، حکومت نے ملک کو ڈیفالٹ سے بچایا، ملک کو ڈیفالٹ سے بچانے کا کریڈٹ وزیراعظم اور اتحادیوں کو جاتا ہے۔
احسن اقبال کا مزید کہنا تھا کہ حکومتی اقدامات سے مہنگائی میں نمایاں کمی آئی، وزیراعظم شہبازشریف کی قیادت میں ملک ترقی کی راہ پر گامزن ہے۔ اڑان پاکستان ملک کی ترقی کا منصوبہ ہے، ملکی ترقی کے لیے پالیسیوں کا تسلسل ضروری ہے، ملکی ترقی کے لیے سب کو ملکر اپنا کردار ادا کرنا ہوگا۔
انہوں نے کہا کہ معاشی استحکام کے لیے سیاسی استحکام کی ضرورت ہے، ہمیں سیاسی نہیں اقتصادی لانگ مارچ کی ضرورت ہے۔ پالیسی ریٹ میں مسلسل کمی آرہی ہے،احسن اقبال سرمایہ کاروں کا پاکستان پر اعتماد بحال ہوا ہے۔