اسلام آباد (پاک صحافت) احسن اقبال کا کہنا ہے کہ نئی حکومت کی ترجیح سی پیک کی تیز رفتار کو بحال کرنا ہے۔
تفصیلات کے مطابق وفاقی وزیر منصوبہ بندی احسن اقبال نے کہا ہے کہ پاکستان میں کام کرنے والے چینی شہریوں کا تحفظ یقینی بنایا جا رہا ہے۔ وزیراعظم شہباز شریف کی حکومت کا وژن سی پیک منصوبے کی تیز رفتار کو بحال کرنا ہے۔ گرین کوریڈور سی پیک کے دوسرے مرحلے کا اہم ستون ہے۔
احسن اقبال کا مزید کہنا تھا کہ سی پیک کے پہلے مرحلے میں توانائی کے منصوبوں نے پاکستان میں بجلی کی بندش پر قابو پانے میں اہم کردار ادا کیا ہے۔
انہوں نے یہ بھی کہا کہ سی پیک فیز ٹو میں صنعتی تعاون کو بڑھایا جائے گا، فیز ٹو میں چینی صنعتوں کو خصوصی اقتصادی زونز میں منتقل کرنا ہے۔
Short Link
Copied