اسلام آباد (پاک صحافت) اسحاق ڈار کا کہنا ہے کہ میثاق جمہوریت کا نامکمل ایجنڈا آج پورا ہوگیا ہے۔
تفصیلات کے مطابق نائب وزیراعظم اسحاق ڈار نے سینیٹ اجلاس سے خطاب کرتے ہوئے کہا ہے کہ سب کو ترمیم کے پاس ہونے پر کریڈٹ دیتا ہوں، مسلم لیگ (ن)، پیپلزپارٹی نے اتفاق رائے کے لئے ہرممکن کوشش کی، ہماری کوشش ہے عام آدمی کو جلد اور سستا انصاف ملے۔
اسحاق ڈار نے کہا کہ تین دن پہلے ہمارا پلان تھا ترمیم لائیں، مولانا فضل الرحمان نے اتفاق رائے کی پوری کوشش کی، تحریک انصاف کا اپنا اختیار ہے وہ جو بھی فیصلہ کرے۔ آئینی ترمیم کی منظوری پر دل کی گہرائیوں سے اپنے ساتھیوں کو مبارکباد پیش کرتا ہوں، انشااللہ یہ ترامیم قومی اسمبلی سے بھی پاس ہوں گی۔
پارلیمانی کمیٹی میں پی ٹی آئی کے عامر ڈوگر نے بھی آئینی ترمیم کی متفقہ منظوری دی، آئینی ترمیم کسی کا ذاتی ایجنڈا نہیں ہے، ایک جماعت باہر رہ گئی ہے یہ ان کا رائٹ ہے۔