لاہور (پاک صحافت) نواز کا کہنا ہے کہ ملک کے ساتھ اچھا سلوک نہیں کیا جا رہا ہے، ترقی کرتا ہوا ملک گڑھے میں گرا دیا گیا، فیصلے دینے والوں کو اب بھی سوچنا ہوگا۔
تفصیلات کے مطابق نوازشریف کی زیر صدارت اجلاس میں انہوں نے کہا کہ عوام کی پرواہ کریں، ریلیف کیلئے جو بھی کرنا پڑتا ہے کریں۔ موجودہ حالات میں بجلی کا بل کوئی بھی ادا نہیں کرسکتا، بجلی کا بل ہر ایک کیلئے مصیبت بن چکا، ہم نے اپنے دور میں لوڈشیڈنگ ختم کی اور نرخ کنٹرول کیا، 2017 تک بجلی کے بل کم اور ڈالر کا نرخ نیچے تھا۔
نواز شریف کا مزید کہنا تھا کہ 2018 سے نظر لگی اور غریب پس کر رہ گیا، سڑک پر پھرتے شخص کو کہا گیا آؤ ہم تمہیں انصاف دیں، پوچھتا ہوں ملک کے ساتھ ظلم کرنے کی ضرورت کیا ہے۔
انہوں نے کہا کہ ہم نے آئی ایم ایف کو واپس بھیج دیا تھا، بعد میں آئی ایم ایف کو کون لایا سب کو پتہ ہے، ملک کے ساتھ اچھا سلوک نہیں کیاجا رہا ہے، ترقی کرتا ہوا ملک گڑھے میں گرا دیا گیا، فیصلے دینے والوں کو اب بھی سوچنا ہوگا۔