اسلام آباد (پاک صحافت) وزیر دفاع خواجہ آصف نے کہا ہے کہ سیاسی عدم استحکام کی قیاس آرائیاں غلط ہیں۔
تفصیلات کے مطابق خواجہ آصف نے کہا ہے کہ سیاسی استحکام بھی آہستہ آہستہ آجائے گا، اسلحہ برداروں کو احتجاج کی اجازت نہیں دی جاسکتی۔ سیاسی عدم استحکام کی قیاس آرائیاں غلط ہیں، مودی کی موجودگی میں پاکستان کی سیاست پرسوال ہوگا توان کا اصل چہرہ سامنے آجائے گا۔
خواجہ آصف کا مزید کہنا تھا کہ شکیل آفریدی کے حوالے سے بھی امریکا کے بیانات آتے رہے ہیں، ٹرمپ کا بیان آنے سے کیا فرق پڑ جائے گا۔ بانی پی ٹی آئی کی سال میں 3 کالوں کے باوجود ترقی کا سفرجاری ہے، بانی پی ٹی آئی ایک اور کال دے کر دیکھ لیں۔
عمران خان کے خط لکھنے کے حوالے سے سوال کے جواب میں انہوں نے کہا کہ جیل میں کافی وقت ہوتا ہے خط لکھنے سے اچھا ٹائم پاس ہوجاتا ہے جبکہ ججوں کےخطوط کامعاملہ جوڈیشری ہی ڈیل کرے گی۔