ملک آئین پر چلتا ہے کسی کی خواہشات پر نہیں۔ شرجیل میمن

کراچی (پاک صحافت) صوبائی وزیر شرجیل میمن کا کہنا ہے کہ ملک آئین پر چلتا ہے کسی کی خواہشات پر نہیں۔

تفصیلات کے مطابق سندھ کے سینئر وزیر شرجیل میمن نے کہا ہے کہ بانی پی ٹی آئی کو آئینی طریقے سے ہٹایا گیا، اپنی خواہشات پر آئین کی خلاف ورزی نہیں کرسکتے، جس ادارے کے خلاف پروپیگنڈا کیا، اب اسی سے مذاکرات کرنا چاہتے ہیں۔

شرجیل میمن کا مزید کہنا تھا کہ بانی پی ٹی آئی نے نو مئی کا اندوہناک واقعہ کرایا، یہ وہی ہیں جنہوں نے جناح ہاؤس میں آگ لگائی، شہداء کے مجسموں کی بے حرمتی کرنے والے اپنے گناہ معاف کرانا چاہتے ہیں۔

انہوں نے کہا کہ سنی اتحاد کونسل نے کوئی فہرست جمع نہیں کروائی، ملک آئین پاکستان پر ہی چلتا ہے، کسی کی خواہشات پر ملک نہیں چل سکتا۔