مریم اورنگزیب نے ہراساں کرنے پر جس ظرف کا مظاہرہ کیا وہ قابل فخر ہے۔ وزیراعظم

اسلام آباد (پاک صحافت) وزیراعظم شہباز شریف کا کہنا ہے کہ پی ٹی آئی کارکنوں کی جانب سے ہراساں کرنے پر مریم اورنگزیب نے جس ظرف کا مظاہرہ کیا وہ قابل فخر ہے۔

تفصیلات کے مطابق وزیراعظم پاکستان شہباز شریف نے وفاقی وزیر اطلاعات مریم اورنگزیب کے ساتھ لندن میں پاکستان تحریک انصاف پی ٹی آئی کے کارکنوں کی جانب سے کی گئی بدتمیزی پر ردعمل کا اظہار کرتے ہوئے کہا ہے کہ مریم اورنگزیب نے پی ٹی آئی کارکنوں کے ہراساں کرنے پر جس ظرف کا مظاہرہ کیا وہ قابل فخر ہے۔

وزیراعظم شہباز شریف کا مزید کہنا ہے کہ مریم اورنگزیب نے اپنے عمل سے ہراساں کرنے والوں اور ان کے سپورٹرز کا مکروہ چہرہ بے نقاب کیا ہے۔ دوسری جانب مسلم لیگ ن کی نائب صدر مریم نواز نے بھی ٹوئٹر پر جاری بیان میں مریم اورنگزیب پر فخر کیا ہے۔