اسلام آباد (پاک صحافت) وفاقی وزیر پٹرولیم مصدق ملک نے کہا ہے کہ مذاکرات کے بغیر سیاسی پولرائزیشن اسی طرح رہے گی۔
تفصیلات کے مطابق وفاقی وزیر مصدق ملک نے کہا ہے کہ نو مئی کو شہدا کے مجسموں کو جلایا گیا، اگر بانی پی ٹی آئی بے گناہ تو عدالتیں رہا کریں گی، کشیدگی کو کم کرنے کا واحد طریقہ سب لوگ بیٹھ کربات کریں۔
انہوں نے کہا کہ جب تک بات چیت نہیں ہوگی، سیاسی پولرائزیشن اسی طرح رہے گی، سانحہ اے پی ایس ایسا زخم شاید کبھی نہیں بھرے گا، سانحہ اے پی ایس کے بعد ساری جماعتیں اکٹھی ہوگئی تھی۔
ایک سوال کے جواب میں مصدق ملک کا کہنا تھا کہ بانی پی ٹی آئی کو اپنا رویہ تبدیل کرکے آگے بڑھنا چاہیے، متفق ہوں! ہمیں بالکل بات کرنی چاہیے۔
Short Link
Copied