اسلام آباد (پاک صحافت) اسپیشل جج سینٹرل اسلام آباد کی عدالت نے تحریکِ انصاف (پی ٹی آئی)کے رہنما سابق وفاقی وزیر اعظم سواتی کے متنازع ٹوئٹ کرنے کے کیس میں دائمی وارنٹ جاری کر دیے۔؎
تٖفصیلات کے مطابق عدالت نے قرار دیا کہ اشتہاری قرار دینے کی کارروائی کے باوجود اعظم سواتی عدالت سے مسلسل غیر حاضر ہیں۔ خیال رہے کہ اس سے قبل اسپیشل جج سینٹرل نے اعظم سواتی کے خلاف اشتہاری قرار دینے کی کارروائی کا آغاز بھی کیا تھا۔
واضح رہے کہ پی ٹی آئی رہنما اعظم سواتی پر سرکاری افسران کے خلاف متنازع ٹوئٹ کرنے پر مقدمہ درج کیا گیا تھا اور کہیں بھی نظر آنے پر ایف آئی اے کو اعظم سواتی کو گرفتار کر کے عدالت میں پیش کرنے کا حکم دیا گیا تھا۔