پشاور (پاک صحافت) خیبرپختونخوا کے ضلع لوئر کرم میں روڈ بندش ختم کرانے اور کانوائے کی حفاظت کے لئے آپریشن کا فیصلہ کرلیا گیا۔
تفصیلات کے مطابق انٹیلی جنس بیس آپریشن کی صورت میں عارضی طور پر متاثرین کو ٹل اور ہنگو میں ٹی ڈی پیز کیمپ منتقل کیا جائے گا۔ ذرائع نے بتایا کہ ضلعی انتظامیہ کرم نے ٹی ڈی پیز کیمپ قائم کرنے کیلئے صوبائی ریلیف کمشنر کو خط ارسال کر دیا۔
ذرائع کے مطابق متاثرین کیلئے ٹل ڈگری کالج، ٹیکنیکل کالج، ریسکیو 1122 اور عدالت کی عمارت میں عارضی کیمپس قائم کئے جائیں۔
دوسری جانب ضلعی انتظامیہ نے نوٹیفکیشن جاری کیا جس میں کہا گیا ہے کہ دوران آپریشن آبادی کے تحفظ کے لئے کیمپ میں تمام سہولیات فراہم کی جائیں گی جبکہ ایڈیشنل ڈپٹی کمشنر کی نگرانی میں ایک کمیٹی بھی قائم کی گئی ہے۔
Short Link
Copied