پشاور (پاک صحافت) کیپٹن (ر) صفدر نے کہا کہ بہت جلد قائد مسلم لیگ ن خیبرپختونخوا سے سیاسی مہم کا آغاز کرنے والے ہیں، قائد ن لیگ سوات اور دیگر علاقوں کا دورہ کریں گے۔
تفصیلات کے مطابق تقریب سے خطاب کرتے ہوئے مسلم لیگ ن کے رہنما کیپٹن ریٹائرڈ صفدر نے کہا ہے کہ ملک ترقی کر رہا ہے، یہ پانچ سال ملے تو اگلے پانچ سال ضرور ملیں گے۔ مریم نواز کو کہتا ہوں وہ ایک ہفتہ اس صوبے کو بھی دیں، اگر وہ نہیں آتیں تو خیبرپختونخوا کے وزیراعلی کو تھوڑی تربیت دیں۔
ذرائع کے مطابق کیپٹن ریٹائرڈ صفدر کا مزید کہنا تھا کہ خیبرپختونخوا کا انتہائی برا حال ہوگیا ہے، خیبرپختونخوا کا حال تورا بورا سے زیادہ مختلف نہیں ہے۔ باقی صوبوں کے مقابلے میں خیبرپختونخوا بہت پیچھے رہ گیا ہے، ہم خیبرپختونخوا کو آگے لے جانا چاہتے ہیں۔
انہوں نے کہا کہ پنجاب اور وفاق ترقی کر رہا ہے، ڈالر اور پٹرول کی قیمتیں رک گئی ہیں، خیبرپختونخوا حکومت کا ایک ہی کام ہے، گاڑیاں بھرو اور ڈی چوک چلو۔