اسلام آباد (پاک صحافت) وزیر خزانہ کا کہنا ہے کہ فچ ریٹنگ ہماری کاوشوں کا نتیجہ ہے، پالیسی ریٹ مزید نیچے آتا دیکھیں گے۔
تفصیلات کے مطابق وزیر خزانہ محمد اورنگزیب نے کہا ہے کہ معیشت بہتر سمت میں جارہی ہے، زرمبادلہ کے ذخائر بہتر ہوئے، مہنگائی بھی کم ہوئی ہے، امید ہے کہ ہماری ریٹنگ مزید بہتر ہوگی۔ تینوں ریٹنگ ایجنسیز سے ہمارا رابطہ رہا ہے، ہم یورو بونڈز اور امریکی مارکیٹ کی طرف بھی جائیں گے، امید ہے کہ ہماری ریٹنگ مزید بہتر ہوگی۔
محمد اورنگزیب کا مزید کہنا تھا کہ مانیٹری پالیسی کمیٹی پالیسی ریٹ دیکھتی ہے، پالیسی ریٹ کم ہونا صنعت کیلئے اچھی خبر ہے، ہم پالیسی ریٹ مزید نیچے آتا دیکھیں گے۔
انہوں نے کہا کہ پرائیوٹ سیکٹر کی گروتھ ہوگی، عالمی اداروں کا پاکستان پر اعتماد بڑھ رہا ہے۔
Short Link
Copied