ملتان (پاک صحافت) سید یوسف رضا گیلانی کا کہنا ہے کہ فارن فنڈنگ سے بنائی گئی پارٹی امپورٹڈ پارٹی ہے جسے عوام نے مسترد کردیا ہے۔
تفصیلات کے مطابق پیپلزپارٹی کے رہنما سید یوسف رضا گیلانی نے ذرائع ابلاغ کے نمائندوں سے گفتگو کرتے ہوئے کہا ہے کہ عمران خان پہلے اپنی حکومت 2028 تک بتاتے رہے جب عدم اعتماد آیا تو کہتے ہیں الیکشن کی تاریخ دو، مشکل فیصلے ملک کو دیوالیہ ہونے سے بچانے کے لیے کیے گئے، ہم نے پارٹیوں پر ملک کو ترجیح دی۔
یوسف رضا گیلانی کا مزید کہنا تھا کہ سائفر کو پہلے مراسلہ پھر خط کہتے ہیں، ہمارے دور میں ایسے سائفر روزانہ آتے تھے، سائفر کے ساتھ کھیلنے کا کہا اور جلسے میں جھوٹا خط لہرا کر ملک کا نقصان کیا گیا۔ انہوں نے کہا کہ سائفر کو لیٹر بنا لیں اور اس سے کھیلیں، ہم نے کہا کہ فارن آفس کی وجہ سے سب کچھ ہو رہا ہے، انہوں نے پوری دنیا میں پاکستان کو تنہا کردیا ہے۔