غزہ میں نسل کشی ہو رہی ہے جس پر وزیراعظم نے کھل کر اسرائیل کی مذمت کی ہے، اسحاق ڈار

اسلام آباد (پاک صحافت) وزیر خارجہ اسحاق ڈار نے کہا ہے کہ وزارت خارجہ تمام سطح پر اپنی ذمہ داریاں احسن طریقے سے نبھا رہا ہے، غزہ میں نسل کشی ہو رہی ہے جس پر وزیراعظم نے کھل کر اسرائیل کی مذمت کی ہے۔ کشمیر کے معاملے پر ہم ہر فورم پر آواز اٹھاتے ہیں اور اٹھاتے رہیں گے۔

وزیر خارجہ نے کہا کہ ایک سال میں سفارتی تنہائی کا تاثر  یا جو حقیقت تھی ہوا میں اُڑ چکی ہے، فارن آفس آکر کہا تھا کہ اب اکنامک ڈپلومیسی بھی کریں گے، بنگلا دیش کا دورہ کروں گا، بنگلا دیش ہمارا بچھڑا ہوا بھائی ہے ان سے ہر طرح کا تعاون کریں گے، بنگلا دیش کا دورہ بھی کروں گا۔

وزیر خارجہ اسحاق ڈار نے یہ بھی  کہا کہ سال 2018 تک ہم نے دہشتگردی سے پاکستان کو کلیر کر دیا تھا، گزشتہ حکومت کی جانب سے ٹی ٹی پی کی واپسی اور مجرموں کی رہائی غلط فیصلہ تھا، دہشتگردی ایک ناسور ہے اور اس میں ٹی ٹی پی ملوث ہے۔