paksahafat پاک صحافت
Related Articles
اسلا م آباد (پاک صحافت) مہنگائی کے ستائے عوام کے لئے ایک اور بری خبر سامنے آگئی، سنٹرل پاور پرچیزنگ ایجنسی کی جانب سے صارفین کے لئے بجلی مزید مہنگی کرنے کی درخواست نیپرا میں جمع کرا دی گئی ہے۔ تاہم بجلی کی قیمت میں یہ اضافہ کراچی الیکٹرک (کے الیکٹرک) کے علاوہ پورے ملک بھر کی لئے ہوگی۔
تفصیلات کے مطابق مہنگائی کے اس دور میں عوام کے لیے ایک اور بُری خبر سنٹرل پاور پرچیزنگ ایجنسی نے بجلی فی یونٹ 3 روپے 12 پیسے مہنگی کرنے کی نیپرا میں درخواست جمع کروا دی ہے۔ ذائع کے مطابق سی سی پی اے نے بجلی مہنگی کرنے کی درخواست دسمبرکی فیول پرائس ایڈجسٹمنٹ کی مد میں دی ہے۔
واضح رہے کہ سی سی پی اے کی جانب سے درخواست میں بتایا گیا ہے کہ دسمبر2021 میں 8 ارب 52 کروڑ یونٹ بجلی پیدا ہوئی، بجلی کی پیداوار لاگت 73 ارب 84 کروڑ روپے رہی۔ خیال رہے کہ نیپرا یکم فروری کو بجلی کی قیمتوں میں اضافے کی درخواست پر سماعت کرے گا، اضافے کی صورت میں صارفین پر 30 ارب سے زائد روپے اضافی بوجھ پڑے گا۔
