نارووال (پاک صحافت) احسن اقبال کا کہنا ہے کہ عوام کو اداروں سے لڑانے والا پاکستان کو کمزور کر رہا ہے۔
تفصیلات کے مطابق مسلم لیگ (ن) کے سینئر رہنما احسن اقبال نے نارووال میں این اے 76 کے جلسے سے خطاب میں کہا کہ پی ٹی آئی حکومت معیشت کا انجر پنجر ہلا کر گئی ہے۔
احسن اقبال کا مزید کہنا تھا کہ بانی پی ٹی آئی کے آئی ایم ایف معاہدے سے مہنگائی کا طوفان آیا، اس ٹولے نے انتشار کی سیاست کی ہے۔
انہوں نے کہا کہ سیالکوٹ نارووال ہائی وے لنک منصوبہ بانی پی ٹی آئی نے رکوایا۔ میں پوچھتا ہوں کیا جناح ہاؤس جلانے والے پاکستانی ہوسکتے ہیں؟۔