عوام بچت بازاروں سے بھرپور فائدہ اٹھائیں، شرجیل انعام میمن

کراچی (پاک صحافت) صوبائی سینئر وزیر شرجیل انعام میمن نے کہا ہے کہ عوام کو ریلیف دینے کے لیے سندھ بھر میں بچت بازار قائم ہیں، عوام بچت بازاروں سے بھرپور فائدہ اٹھائیں۔

تفصیلات کے مطابق صوبائی وزیر شرجیل انعام میمن نے کہا ہے کہ عوام کو ریلیف حکومت سندھ کی اولین ترجیح ہے۔ شرجیل میمن نے مزید کہا کہ مہنگائی، ذخیرہ اندوزی، کو روکنے کے لیے افسران کی ڈیوٹیز لگا دی گئی ہیں۔

واضح رہے کہ سینئر وزیر صوبہ سندھ شرجیل انعام میمن نے یہ بھی کہا کہ شکایات براہِ راست متعلقہ افسران تک پہنچائیں۔