لاہور (پاک صحافت) مسلم لیگ ن کے رہنما جاوید لطیف کا کہنا ہے کہ عمران نیازی ریاست سےکھیل کھیل رہا ہے۔
تفصیلات کے مطابق مسلم لیگ ن کے رہنما جاوید لطیف نے پریس کانفرنس سے خطاب کرتے ہوئے کہا ہے کہ بدقسمتی سے پاکستان میں ایک ایسا فسادی کھڑا ہوگیا جس نے کوئی موقع ہاتھ سے جانے نہیں دیا، پاکستان کی معیشت کو تباہ کردیا گیا، عمران نیازی ریاست سے کھیل کھیل رہا ہے اور اداروں کےخلاف زہرگھول رہا ہے، کیا عمران نیازی کو کھلا کھیل کھیلنےکی اجازت دی جاتی رہےگی؟۔
جاوید لطیف کا مزید کہنا تھا کہ بچے بچیوں کو خونی مارچ میں لایا جارہا ہے، ریاست آئین کی پاسداری کرنے والوں سے بات چیت کرتی ہے، ہمیں معلوم ہے جو عمران خان نے اسلام آباد کے ارد گرد پلاننگ کی ہوئی ہے، ہم اس دن سرپرائز دیں گے، ہمارے علم میں ہے کہ کہاں سے فنڈنگ ہو رہی ہے۔ انہوں نے کہا کہ کسی بیک چینل سے عمران خان سے نہ کوئی رابطہ ہے اور نہ کریں گے، اس نے کوئی ایسا موقع نہیں جانے دیا جس سے ملک کو نقصان پہنچے، دوست ممالک بھاری سرمایہ کاری سے سنبھال رہے ہیں تو پھر فتنہ 2014 والی پوزیشن پر آگیا ہے، عمران خان نے ملک میں صدارتی نظام کی کوشش کی، اسے اگر پہلے لگام دی جاتی تو یہ نوبت نہ آتی۔