اسلام آباد (پاک صحافت) سعید غنی کا کہنا ہے کہ عمران خان پاکستان کے 22 کروڑ عوام کے لیے باعث شرمندگی بنے ہیں۔
تفصیلات کے مطابق پیپلزپارٹی کے رہنما اور صوبائی وزیر سندھ سعید غنی نے پریس کانفرنس سے خطاب کرتے ہوئے کہا ہے کہ عمران خان کو ملنے والے تحائف کی قیمت اربوں روپوں میں تھی، انہوں نے تحفہ لیا ہی بیچنے کی نیت سے تھا۔ عمران خان بے بنیاد الزامات لگا رہا ہے، کوئی ان سے پوچھ نہیں رہا۔
سعید غنی کا مزید کہنا تھا کہ سبزی اور فروٹ بھی لینے جائیں تو رسید لکھی جاتی ہے، عمران خان نے کروڑوں کا سودا کیا اور کوئی رسید نہیں لکھی۔ انہوں نے کہا کہ عمران خان بہت بڑا چور ڈاکو کرپٹ سیاستدان ہے، یہ آئی جی، ججوں، بیوروکریٹ کو دھمکی دیتا ہے۔ ریاست مدینہ کے صادق و امین حکمران لوگوں کو گمراہ کررہے تھے۔
Short Link
Copied