عمران خان کے تمام سہولت کاروں کو سامنے لانا ہوگا۔ جاوید لطیف

لاہور (پاک صحافت) مرکزی رہنما مسلم لیگ ن میاں جاوید لطیف نے کہا ہے کہ عمران خان کے تمام سہولت کاروں کو سامنے لانا ہوگا۔

تفصیلات کے مطابق مسلم لیگ ن کے رہنما میاں جاوید لطیف نے کہا ہے کہ فیض حمید کی ذات سےدشمنی نہیں، اختلاف یہ تھا فیض حمید کسی کے سہولت کار بنے۔

انہوں نے کہا کہ تمام سہولت کاروں کو سامنے لانا ہوگا، ثاقب نثار، قمرجاوید باجوہ، بانی پی ٹی آئی سب شامل تھے، سوال یہاں یہ پیدا ہوتا ہے کہ کیا فیض حمید نےسازش اپنے لیے کی؟ بانی پی ٹی آئی نے معیشت کو تباہ کر دیا تھا، مالیاتی اداروں سےریاست کا مسئلہ بنا ہوا تھا۔

اس سوال کے جواب میں مرکزی رہنما مسلم لیگ ن کا مزید کہنا تھا کہ حلفا کہتا ہوں شہبازشریف نے کہا ہمیں وفاق میں حکومت نہیں بنانی چاہیے۔