اسلام آباد (پاک صحافت) مسلم لیگ (ن) کے رہنما طلال چودھری نے کہا ہے کہ عمران خان نے چوری چھپانے کے لیے القادر ٹرسٹ بنایا گیا۔
تفصیلات کے مطابق مسلم لیگ (ن) کے رہنما طلال چودھری نے میڈیا سے گفتگو کرتے ہوئے کہا ہے کہ القادر ٹرسٹ کیس کا فیصلہ آنے والا ہے۔ برطانوی ایجنسی نے 190 ملین پاؤنڈ کیس کی انکوائری کی، جو پیسے خزانے میں آنے تھے وہ کاروباری شخصیت کی جیب میں ڈال دیئے گئے، بند لفافے میں معاہدہ کابینہ کے سامنے پیش کیا گیا۔
رہنما مسلم لیگ ن طلال چوہدری کا مزید کہنا تھا کہ برطانیہ میں پس پردہ شہزاد اکبر نے کاروباری شخصیت سے ملاقات کی، بانی پی ٹی آئی اس سارے معاملے میں ملوث تھے، 190 ملین پاؤنڈ کے بدلے زمین حاصل کی گئی، 190 ملین پاؤنڈ کی چوری کو چھپانے کے لیے القادر ٹرسٹ بنایا گیا۔
انہوں نے کہا کہ پی ٹی آئی دور میں بنی گالہ منی گالہ بن گیا تھا، لین دین ہوتا رہا، بشری بی بی لین دین اور کمیشن لیتی تھیں۔