اسلام آباد (پاک صحافت) خواجہ آصف کا کہنا ہے کہ علی امین گنڈاپور نے رات عمر ایوب کے گھر پر گزاری ہے۔
تفصیلات کے مطابق وزیر دفاع خواجہ محمد آصف نے کہا ہے کہ ڈی چوک تک بہت تھوڑی تعداد میں لوگ پہنچے تھے، لوگ جلوس کی شکل میں ڈی چوک نہیں پہنچے۔ ڈی چوک پہنچنے والے اسلام آباد پی ٹی آئی کے لوگ تھے، علی امین نے سمجھا کہ میں نے مولاجٹ کا کردار ادا کرلیا ہے۔
خواجہ آصف کا مزید کہنا تھا کہ جلوس میں اسلام آباد میں رہنے والے لوگ تھے، ڈی چوک تک جو لوگ پہنچے ان کی تعداد تھوڑی تھی۔ علی امین گنڈاپور سے متعلق کہا گیا انکا پتا نہیں لگ رہا، سوشل میڈیا پر ان کے اپنے ورکرز ان کو گالیاں دے رہے ہیں۔
انہوں نے کہا کہ علی امین کے پی سرحد سے ہری پور میں داخل ہوئے، انہوں نے رات عمر ایوب کے گھر پر گزاری۔
Short Link
Copied