سرگودھا (پاک صحافت) گورنر خیبر پختونخوا فیصل کریم کنڈی نے دعوی کیا کہ وزیراعلی علی امین گنڈاپور اپنے علاقے تک میں رات کے وقت نہیں جاسکتے ہیں۔
تفصیلات کے مطابق میڈیا سے گفتگو میں فیصل کریم کنڈی نے کہا ہے کہ کرم میں حالات کی خرابی کی ذمہ دار صوبائی حکومت ہے، وہاں راستے بند ہیں، وزیراعلی اعلان کے باوجود راستے نہیں کھول سکے۔ ایپکس کمیٹی کا اجلاس شرمندگی سے بچنے کےلیے بلایا گیا، اجلاس کے فیصلوں پر عمل درآمد ہوتا ہے یا نہیں، دیکھیں گے۔
فیصل کریم کنڈی نے مزید کہا کہ سرگودھا اور کرم میں 200 افراد شہید ہوچکے ہیں، حالات بدستور خراب ہیں، انہوں نے چند سالوں میں صوبے کو تباہ کر دیا۔
اُن کا کہنا تھا کہ وزیر اعلی خود اپنے علاقے میں رات کے وقت نہیں جا سکتے، انہوں نے جو کیا آج بھگت رہے ہیں اب روتے کیوں ہیں، محدود وسائل میں گورنر جو کر سکتا ہے وہ کر رہے ہیں۔
Short Link
Copied