عثمان ڈار کی والدہ کے بیان پر خواجہ آصف کا ردّعمل بھی آگیا

خواجہ آصف

سیالکوٹ (پاک صحفات) مسلم لیگ ن کے رہنما خواجہ آصف نے تحریک انصاف کے سابق رہنما عثمان ڈار کی والدہ کے بیان پر اپنا ردعمل دیا ہے۔ خواجہ آصف نے اپنے ردعمل میں کہا ہے کہ جن باتوں کی بنیاد اور صداقت نہیں، مناسب نہیں ان باتوں کا بار بار جواب دوں۔

تفصیلات کے مطابق خواجہ آصف کا کہنا ہے کہ میں ایک سیاسی ورکر ہوں اور میں ان باتوں پر یقین نہیں رکھتا، پہلے واقعے پر میں نے میڈیا پر بڑے خلوص سے کہا تھا وہ میری بہن ہیں اور گھر جانے کے لیے تیار ہوں۔ ن لیگ کے رہنما کا کہنا ہے کہ اُس وقت ہماری حکومت تھی، میرا ان کے گھر جانا بنتا تھا، اُس وقت سوشل میڈیا پر عثمان ڈار نے کہا تھا ہمارے گھر آنے کی ضرورت نہیں، ایسے ایشو بنا کر سیاست نہیں کرنی چاہیے اور نہ میں ان چیزوں پر یقین رکھتا ہوں۔

واضح رہے کہ خواجہ آصف کا مزید کہنا ہے کہ اگر وہ چاہتے ہیں ناکردہ گناہ کی معافی مانگوں تو ویسے ہی ان سے معافی مانگ لیتا ہوں، سی سی ٹی وی سامنے لائیں، زیادتی ہوئی ہے تو میں ان کے ساتھ کھڑا ہوں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے