اسلام آباد (پاک صحافت) صدر آصف علی زرداری نے عیدالفطر کے موقع پر قوم کے نام اپنے پیغام میں کہا ہے کہ پوری قوم اور عالم اسلام کو عیدالفطر پر دلی مبارکباد پیش کرتا ہوں۔
تفصیلات کے مطابق آصف علی زرداری نے کہا ہے کہ یہ دن رمضان کی برکتوں اور عبادات کےبعد نصیب ہوتا ہے، عید کے موقع پر ہمیں اپنے معاشی طور پر کمزور بہن بھائیوں کو بھی یاد رکھنا چاہیے، اصل خوشی دوسروں کے ساتھ اپنی خوشیاں بانٹنےمیں ہے۔
ذرائع کے مطابق انہوں نے کہا کہ عید کا دن ہمیں اتحاد اور یکجہتی کا بھی درس دیتا ہے، اپنی صفوں میں اتحاد پیدا کریں، ایک دوسرے کا سہارا بنیں، پاکستان کو ترقی و خوشحالی کی راہ پر گامزن کرنے میں اپنا کردار ادا کریں۔
صدر مملکت کا مزید کہنا تھا کہ پاکستان کو مضبوط اور خوشحال بنانے کے لیے بھائی چارے کو فروغ دینا ہوگا، اللہ تعالی سے دعا ہے اہل مقبوضہ کشمیر کو جلد آزادی کے ساتھ عید نصیب فرمائے۔