اسلام آباد (پاک صحافت) صدرِ مملکت ڈاکٹر عارف علوی نے پاک فوج کے شہداء کے لواحقین سے ٹیلی فونک رابطہ کیا۔ عارف علوی نے 16 اور 18 اکتوبر کو شمالی و جنوبی وزیرستان میں شہید ہونے والے پاک فوج کے جوانوں کے اہلخانہ سے تعزیت کا اظہار کیا۔
تفصیلات کے مطابق صدرِ مملکت نے سپاہی عبدالحمید، لانس نائیک تبسم الحق، سپاہی نعیم اختر، لانس نائیک وارث خان اور سپاہی ساجد عظیم کے ورثاء کے ساتھ ٹیلیفونک گفتگو میں خراج عقیدت پیش کیا۔ صدرِ مملکت نے وطن کے لیے خدمات پر شہداء کو قوم کی جانب سے سلام پیش کیا۔
Short Link
Copied