اسلام آباد (پاک صحافت) وزیر دفاع خواجہ محمد آصف نے کہا ہے کہ صاف ظاہر ہوتا ہے کہ بانی پی ٹی آئی اسرائیلی اثاثہ ہیں۔
تفصیلات کے مطابق خواجہ آصف نے کہا کہ آپریشن گولڈ اسمتھ کے ریکروٹ بانی ٹی آئی کی نجات کے لیے مہم چلا رہے ہیں۔ وہ پاکستان کے مفادات کے خلاف بھرپور مہم چلا رہے ہیں۔ ان عناصر کو اسرائیل کی بھرپور حمایت حاصل ہے۔
وزیر دفاع نے مزید کہا کہ یہ عناصر میڈیا میں تواتر کے ساتھ گفتگو کر رہے ہیں، اس سے صاف ظاہر ہوتا ہے کہ بانی پی ٹی آئی اسرائیلی اثاثہ ہے۔ بانی پی ٹی آئی کے ذریعے وہ واحد مسلمان ایٹمی قوت کو خدانخواستہ سرنگوں کرنا چاہتے ہیں، ہماری اول و آخر ترجیح صرف اور صرف پاکستان ہے۔
خواجہ آصف نے یہ بھی کہا کہ بابی پی ٹی آئی کے لیے مغربی دنیا میں چند آوازیں اٹھ رہی ہیں۔ ان پر یہ واضح ہونا چاہیے کہ ہم پاکستانی قوم اپنے مفادات کا تحفظ کرنا جانتے ہیں۔