کراچی (پاک صحافت) شازیہ مری نے کا کہنا ہے کہ شہید محترمہ پاکستان کی وہ بیٹی تھیں جو کبھی ظلم کے سامنے نہیں جھکیں۔
تفصیلات کے مطابق پاکستان پیپلز پارٹی کی ترجمان شازیہ مری نے شہید محترمہ بے نظیر بھٹو کے 17ویں یوم شہادت پر انھیں زبردست خراج عقیدت کرتے ہوئے کہا ہے کہ شمحترمہ بے نظیر بھٹو کی شہادت پر ہر گھر میں ماتم ہوا، وہ اپنے نام کی طرح بے نظیر تھیں، ہم شہید محترمہ کو خراجِ عقیدت پیش کرنے لیے گڑھی خدا بخش میں جمع ہوں گے۔ شہید محترمہ نے جمہوریت اور انصاف کےلیے لڑتے ہوئے اپنی جان دے دی، وہ قوم کا دل، مظلوموں کی آواز اور کمزوروں کی طاقت تھیں۔
شازیہ مری نے مزید کہا کہ گڑھی خدا بخش میں ہم سب جمع ہوکر عہد کرتے ہیں ان کے مشن کو جاری رکھیں گے، بلاول بھٹو، شہید بی بی کے مشن کو آگے لے کر بڑھ رہے ہیں۔ شہید بے نظیر بھٹو نے جو کچھ پاکستان کیلئے کیا ان کی خدمات کو ہم سلام پیش کرتے ہیں۔ انھوں نے ہمیں بتایا کہ تمام شہریوں کے حقوق کا تحفظ کیا جائے گا اور عوام کی طاقت راج کرے۔
انہوں نے کہا کہ شہید بے نظیر بھٹو نے اپنی تمام زندگی معاشرے کے پسے ہوئے طبقات اور خواتین کی خود مختاری کیلئے جدوجہد میں گزاری۔ وہ ایک ایسی ماں تھیں جس نے بہت پیار کیا، ایک بیٹی جس نے اپنے باپ کی میراث کا احترام کیا اور ایک لیڈر جس نے اپنے لوگوں کیلئے اپنی جان دی۔