کوئٹہ (پاک صحافت) وزیراعلی بلوچستان سرفراز بگٹی نے آرمی پبلک اسکول پشاور کے شہداء کی برسی پر اپنا خصوصی پیغام جاری کیا ہے۔
تفصیلات کے مطابق سرفراز بگٹی نے اپنے پیغام میں کہا ہے کہ شہدائے اے پی ایس کا درد آج بھی ہمارے دلوں میں زندہ ہے۔ سانحۂ اے پی ایس کے معصوم شہداء اور ان کے خاندانوں کو سلام پیش کرتے ہیں۔
وزیراعلی بلوچستان سرفراز بگٹی کا مزید کہنا تھا کہ اے پی ایس کے سانحے نے دہشت گردی کے خلاف پوری قوم کو متحد کیا۔ دہشت گردی کے عفریت کو سیکیورٹی فورسز اور عوام کے تعاون سے ان شاء اللّٰہ ختم کریں گے۔
اُنہوں نے یہ بھی کہا کہ 16 دسمبر کو ہمیشہ ملک کے سیاہ ترین دن کے طور پر یاد رکھا جائے گا۔
Short Link
Copied