اسلام آباد (پاک صحافت) علی پرویز ملک کا کہنا ہے کہ وزیرِ اعظم شہباز شریف نے مشکل راہ منتخب کی ہے۔ وہ عوام کو ریلیف دینا چاہتے ہیں۔ حکومت کو کام کرنے کے لیے کچھ وقت ملنا چاہیے۔
تفصیلات کے مطابق علی پرویز ملک نے کہا کہ کوئی بھی مقدس گائے سسٹم میں نہیں ہوتی بلکہ باہر رہتے ہوئے آمدنی پیدا کرتی ہے۔ وہ ٹیکس بھی نہیں دیتی۔ قرضے لینے والا پاکستان واحد ملک نہیں۔ بہت سے ممالک نے آئی ایم ایف سے پیکیجز لیے ہیں۔ اجنٹائن بھی اُن میں شامل ہے۔ جنوبی ایشیا میں کئی ممالک نے آئی ایم ایف سے قرضے لیے ہیں۔
علی پرویز ملک کا مزید کہنا تھا کہ ٹیکس کا بوجھ بڑھنے پر تنخواہ دار طبقے میں سے مالدار لوگ بیرونِ ملک سکونت اختیار کرنے کو ترجیح دے رہے تھے۔ نان فائلرز کو ٹیکس نیٹ میں آنے کے لیے وقت دیا گیا ہے۔ ان سے ٹیکس بھی لیا جائے گا اور پوچھ گچھ بھی ہوگی۔ حکومت نے ایک لاکھ روپے تک تنخواہ لینے والوں پر ٹیکس کا سب سے کم بوجھ ڈالا ہے۔