اسلام آباد (پاک صحافت) پاکستان کی میزبانی میں شنگھائی تعاون تنظیم کا اجلاس، آج وزیراعظم تمام مہمانوں کو عشائیہ دیں گے۔
تفصیلات کے مطابق بدھ کے روز ایس سی او کے اجلاس کا باقاعدہ آغاز ہوگا، 16 تاریخ کی صبح مہمان کنونشن سینٹر پہنچیں گے، وزیراعظم تمام معزز مہمانوں کا استقبال کریں گے۔
ایس سی او میں شرکت کرنے والے لیڈران گروپ فوٹو لیں گے، گروپ فوٹو کے بعد اجلاس کا باقاعدہ آغاز ہوگا، اجلاس کے آغاز میں وزیراعظم شہباز شریف افتتاحی خطاب کریں گے، وزیراعظم کے بعد دیگر لیڈران اجلاس سے مخاطب ہوں گے۔
تقاریر کے بعد ایس سی او کی دستاویزی کارروائی ہوگی، وزیراعظم اجلاس کے اختتامی کلمات دیں گے، وزیر خارجہ اسحاق ڈار اور ایس سی او کے سیکرٹری جنرل جوائنٹ پریس کانفرنس کریں گے۔
Short Link
Copied