شمالی وزیرستان میں تیل اور گیس کے نئے ذخائر دریافت

وزیرستان (پاک صحافت) شمالی وزیرستان میں تیل اور گیس کے نئے ذخائر دریافت ہوئے ہیں۔ اس حوالے سے ماڑی پیٹرولیم کی جانب سے اعلامیہ جاری کیا گیا ہے جس میں بتایا گیا ہے کہ ابتدائی تخمینے میں وزیرستان بلاک سے یومیہ 2 کروڑ مکعب فٹ گیس حاصل ہو سکے گی۔

تفصیلات کے مطابق جاری کردہ اعلامیے میں بتایا گیا ہے کہ نئی دریافت سے یومیہ 122 بیرل خام تیل بھی حاصل ہو گا۔ یاد رہے کہ اس سے قبل گزشتہ ماہ ماڑی انرجیز لمیٹڈ نے بھی شمالی وزیرستان میں تیل اور گیس کی دریافت کا اعلان کیا تھا۔

واضح رہے کہ گزشتہ ماہ ماڑی انرجیز کی جانب سے جاری کیے گئے اعلامیے میں ابتدائی طور پر یومیہ 2 کروڑ 4 لاکھ مکعب فٹ گیس اور یومیہ 117 بیرل خام تیل حاصل ہونے کا بتایا گیا تھا۔