لاہور (پاک صحافت) سی ٹی ڈی نے پنجاب کے مختلف شہروں میں انٹیلی جنس بیسڈ آپریشن کے دوران 9 دہشتگرد گرفتار کرلیے ہیں۔
تفصیلات کے مطابق آپریشن لاہور، فیصل آباد، ننکانہ صاحب، رحیم یار خان، شیخوپورہ اور راولپنڈی میں کئے گئے ہیں۔ لاہور کے سرحدی گاؤں سے کالعدم داعش کے 2 اہم کمانڈرز کو گرفتار کیا گیا ہے۔ دہشتگردوں سے بارودی مواد، 12 ڈیٹونیٹرز، پرائما کارڈ، موبائل فون، اسلحہ اور نقدی برآمد ہوئی ہے۔
سی ٹی ڈی ترجمان کے مطابق جبکہ دہشتگردوں کی شناحت رؤف، زبیر، ضیاء، وقار، امین، سرفراز، حمید خان اور شاہد کے نام سے ہوئی ہے۔ دہشتگرد اہم تنصیبات پر حملے کی منصوبہ بندی کررہے تھے۔ رواں ہفتے 990 کومبنگ آپریشنز کے دوران 134 مشتبہ افراد گرفتار کیے، کومبنگ آپریشنز میں 41 ہزار 411 افراد سے پوچھ گچھ کی گئی۔
حکام کا کہنا ہے کہ سی ٹی ڈی محفوظ پنجاب کے ہدف پر عمل پیرا ہے اور دہشتگردی کے ناسور کو جڑ سے اکھاڑ پھینکنے کے لیے پرعزم ہیں۔