اسلام آباد (پاک صحافت) خواجہ آصف کا کہنا ہے کہ سیاسی پس منظر پر ہونے والے واقعات میں فیض حمید کا ہاتھ ہے۔
تفصیلات کے مطابق پاکستان مسلم لیگ (ن) کے سینئیر رہنما اور وزیر دفاع خواجہ آصف نے کہا ہے کہ نو مئی میں فیض حمید کا کردار اہم ہے، فیض حمید نے لاجسٹک سپورٹ دی ہوگی، ٹارگٹ بتائیں ہوں گے۔ پاک فوج نے ہمیشہ اپنے اندر قانون کا نفاذ کیا ہے، فوج کا اندرونی نظام بہت موثر ہے۔
خواجہ آصف کا مزید کہنا تھا کہ جنرل باجوہ اور فیض کا بہت قریبی تعلق ہے، 2016 میں چیف بننے کے بعد 2013 اور 14 میں جو سازشیں تیار ہوئی تھیں انہیں آگے بڑھایا گیا، مجھے ایک میٹنگ میں بلایا گیا جو جنرل اعجاز امجد کے گھر ہوئی تھی، فیض حمید نے کہا کہ وزیراعظم سے تنگ آگئے ہیں۔
انہوں نے کہا کہ جنرل باجوہ نے جنرل فیض کو آخری اوقات میں چھوڑ دیا تھا، باجوہ نے کہا کہ جنرل فیض کو چھوڑیں فلاں بندے کو لگا دیں، باجوہ نے کہا کہ کسی تیسرے کو آرمی چیف بنا دیتے ہیں۔