paksahafat پاک صحافت
Related Articles
اسلام آباد (پاک صحافت) عرفان صدیقی کا کہنا ہے کہ سپریم کورٹ کا فیصلہ آئین کے مطابق ہوتا تو ترمیم کی ضرورت نہ پڑتی۔
تفصیلات کے مطابق پاکستان مسلم لیگ (ن) کے سینیٹر عرفان صدیقی نے کہا ہے کہ حکومت کی عدلیہ سے کوئی محاذ آرائی نہیں ہے، تاہم آٹھ ججوں کا فیصلہ آئین اور قانون سے متصادم ہے۔ اگر آئین کی کھلی توہین ہو رہی ہو تو پارلیمنٹ پر لازم ہے کہ وہ آئین کا تحفظ کرے۔
ن لیگی سینیٹر نے مزید کہا کہ پارلیمنٹ کے ہر رکن نے آئین کے تحفظ کا حلف اٹھا رکھا ہے، ہم نے آئین کی عزت اور تکریم کی بحالی کےلیے یہ اقدام کیا ہے۔
عرفان صدیقی کا کہنا تھا کہ آئین کی ماں ہونے کے ناتے آئین کا تحفظ پارلیمنٹ کا فرض ہے۔
Short Link
Copied
