سوات (پاک صحافت) سیکیورٹی فورسز نے سوات میں آپریشن کے دوران 4 خوارج ہلاک کردیے۔ پاک فوج کے شعبہ تعلقات عامہ آئی ایس پی آر کے اعلامیے کے مطابق سیکیورٹی فورسز اور قانون نافذ کرنے والے اداروں نے خوارج کے خلاف سوات میں مشترکہ آپریشن کیا۔
آئی ایس پی آر کے مطابق سوات میں آپریشن خوارج کی موجودگی کی خفیہ اطلاع پر کیا گیا، جس کے دوران 4 خوارج ہلاک کردیے گئے۔ اعلامیہ میں مزید کہا گیا ہے کہ آپریشن کے دوران مارے گئے خوارج سے اسلحہ اور گولہ بارود برآمد ہوا ہے، ہلاک خوارج دہشت گردی کی متعدد وارداتوں میں ملوث تھے۔
واضح رہے کہ آئی ایس پی آر کے مطابق سیکیورٹی فورسز ملک سے دہشت گردی کے مکمل خاتمے کےلیے پُرعزم ہیں۔
Short Link
Copied