سندھ میں بلدیاتی انتخابات کی ری پولنگ، پیپلز پارٹی نے میدان مار لیا

کراچی (پاک صحافت) سندھ میں بلدیاتی انتخابات کی ری پولنگ ہوئی جس میں پاکستان پیپلز پارٹی نے میدان مار لیا۔ غیرسرکاری اور غیرحتمی نتائج کے مطابق پیپلز پارٹی نے 39 نشستیں جیت کر میدان مار لیا۔

تفصیلات کے مطابق سندھ کے 15 اضلاع میں بلدیاتی انتخابات کی ری پولنگ کے تمام 59 نشستوں کے نتائج موصول ہوگئے ہیں۔ 6 نشستوں پر جی ڈی کے امیدوار کامیاب کامیاب رہے، تحریک انصاف نے 2 جبکہ جے یو آئی اور ایم کیو ایم پاکستان نے ایک ایک نشست حاصل کی۔

واضح رہے کہ الیکشن کمیشن کے مطابق 9 سیٹوں پر آزاد امیدوار کامیاب ہوئے ہیں۔ خیال رہے کہ بلدیاتی انتخابات میں چیئرمین، وائس چیئرمین، ممبر ڈسٹرکٹ کونسل اور جنرل ممبر کی نشستوں پر مقابلہ ہوا تھا۔