سندھ میں امن و امان کی صورتحال پر کل اہم اجلاس طلب، صدر مملکت صدارت کریں گے

کراچی (پاک صحافت) سندھ میں امن و امان کی صورتحال پر کل بروز پیر اہم اجلاس سکھر میں طلب کرلیا گیا ہے۔

تفصیلات کے مطابق صدر مملکت آصف علی زرداری سکیورٹی اجلاس کی صدارت کریں گے۔ اجلاس میں امن و امان سے متعلق اہم فیصلے متوقع ہیں۔

اجلاس میں کچے میں جاری پولیس اور رینجرز آپریشن پر بریفنگ دی جائے گی، کچے کے مسائل، ہتھیاروں اور دیگر معاملات کو سامنے رکھا جائے گا۔

آئی جی سندھ پولیس غلام نبی میمن سکھر روانہ ہوگئے۔ سکیورٹی اجلاس میں ڈی جی رینجرز سندھ، وزیرداخلہ، وزیراعلی سندھ شریک ہوں گے۔

اس کے علاوہ ڈی آئی جی سکھر اور لاڑکانہ سمیت وفاقی اور صوبائی وزیر بھی اجلاس میں شرکت کریں گے۔